UX1A Recoñece emocións. Curso 2024-2025.

Desde esta entrada do blogue imos a acceder ao contido interactivo de DIXIT, Deep Learning. UX1A recoñece emocións, no que poderás interactuar cunha IA real adestrada con Deep Learning para que recoñeza as cinco emocións: alegría, sorpresa, tristura, enfado e medo.

O Axente intelixente conta cun conxunto de tarxetas precargadas (emoticonas, pictogramas e ilustracións de UX1A) que se mostran de forma aleatoria. Ademais, permite a experimentación libre realizando tantas probas como se desexe.

Se o teu ordenador conta con unha cámara web, tamén poderás probar se detecta as túas emocións.

De seguido podes acceder ao contido complementario ao anteior (tamén un contido interactivo de DIXIT): Retos_UX1A recoñece emocións, no que atoparás tres retos diferentes que te axudarán a reflexionar e obter conclusións sobre as túas interaccións co axente intelixente UX1A.

Adestrando a UX1A. Curso 2024-2025

Desde esta entrada do blogue imos a acceder ao contido interactivo de DIXIT, Deep Learning UX1A aprende, que simula o adestramento dunha máquina con Deep Learning (Aprendizaxe Profunda) para que identifique a emoción de alegría.

Nesta simulación, podrás adestrar a UX1A con tres conxuntos diferentes de datos e debes analizar os resultados obtidos con cada un deles.

Esta actividade permitiránnos comprender tanto o proceso de adestramento e aprendizaxe dunha máquina (recoñecemento de trazos nunha mostra) como a importancia da calidade dos datos empregados no seu adestramento.

Bloques básicos. Parte II. Aprendizaxe. Curso 2024-2025.

 

Imos a coñecer agora o 3º bloque básico dun sistema de Intelixencia Artificial: O aprendizaxe.

Para acceder a este contido, podes premer na ligazón ao seguinte documento en formato pdf:

• Bloques básicos dun Sistema de IA - Aprendizaxe

Ampliación:

Documental AlphaGo (Subtitulado en Castelán)

Pasado, Presente y Futuro de la IA - ¡Del Deep Learning 1.0 a Google Gemini!

• Xogo en liña Wordle2 (versión en Galego).
• xogo de mesa en liña Mastermind.

Bloques básicos. Parte I. Percepción e Representación... Curso 2024-2025.

Continuamos a utilizar os contidos de DIXIT, agora para coñecer os Bloques básicos dun sistema de IA.

Un sistema de Intelixencia Artificial consta de 5 bloques básicos:

1. Percepción.
2. Representación e razoamento
3. Aprendizaxe
4. Interacción natural
5. Impacto social

Nesta entrada só analizaremos os 2 primeiros bloques, Percepción e Representación e Razoamento.

Para acceder a este contido, podes premer na ligazón ao seguinte documento en formato pdf:

• Bloques básicos dun sistema IA Parte I

Percepción:

• Os sensores, recursos Dixit.

Razoamento:

• Os algoritmos e os diagramas de fluxo, recursos Dixit.
• As árbores de decisión. Chatbot, recursos Dixit.
• Preme na ligazón para probar Akinator, o xenio da web.
• Akinator e o algoritmo de Dijkstraa, dous exemplos de programación top-down.

Amplía información:

• Exemplos de representacións de datos.pdf

As entrevistas de UX1A (Respóndelle a UX1A). Curso 2024-2025.

Preme na imaxe ou na seguinte ligazón "Respóndelle a UX1A" (contido obtido do Repositorio de Contidos Educativos da Xunta de Galicia), para acceder a un vídeo onde as expertas Verónica Bolón, Sara Guerreiro e Minia Manteiga, responden a diversas cuestións sobre a Intelixencia Artificial. Deberás responder correctamente ás preguntas propostas para seguir avanzando no vídeo.

Se posteriormente queres acceder ao vídeo da entrevista (sen as preguntas), preme na seguinte ligazón: "As entrevistas de UX1A".

Podes tamén acceder as 3 entrevistas individuais (nunha versión extendida), nas seguintes ligazóns:

• Entrevista a Minia Manteiga.
• Entrevista a Sara Guerreiro.
• Entrevista a Verónica Bolón.

Para rematar, de seguido tedes un vídeo da canle de Youtube TeHasPreguntado, titulado: Que es la Inteligencia Artificial.

Liña de tempo da IA. Curso 2024-2025.

Desde esta entrada podedes acceder ao Repositorio de Contidos Educativos da Xunta de Galicia, en concreto á Liña do tempo da IA.

Este recurso interactivo serviranos para coñecer os eventos máis relevantes da historia da Intelixencia Artificial (IA).

Nel realízase un breve percorrido, desde o ano 1950 ata a actualidade, incluíndo fitas como a consolidación da IA como campo de investigación, o desenvolvemento dos primeiros chatbots, a aparición da domótica ou os éxitos da IA nas competicións con seres humanos.

Accede á ligazón indicada máis arriba (tamén podes premer na imaxe) e navega polo recurso. Unha vez remates o profesor te indicará o exercicio a realizar.

Introdución á IA. Curso 2024-2025.

(Contidos obtidos na plataforma DIXIT)

Hoxe en día, a Intelixencia Artificial (IA) xoga un papel importante na vida de moitas persoas e, aínda que a miúdo pasa inadvertida, está a xerar profundas consecuencias na sociedade e no ser humano. A IA está cambiando o xeito no que interactuamos, como nos entendemos, como coidamos a nosa saúde, como educamos…. En definitiva:

A Intelixencia Artificial está cambiando o mundo.

Os vehículos autónomos, os robots de servizo e de asistencia (cociña, limpeza, cortacéspede, acompañamento…) ou os edificios automatizados (domótica), entre outros, formarán parte da nosa vida cotiá, creando unha rede global de dispositivos interconectados.

Que é a Intelixencia Artificial?

Aínda que non existe unha definición pechada do que é a Intelixencia Artificial (IA), debemos coñecer o concepto e ser capaces de explicar a importancia que ten na sociedade actual.

Algunhas ideas clave para definir a IA son:

• A IA é un campo da informática centrado en dotar ás computadoras da capacidade para resolver problemas de xeito semellante a como o farían os seres humanos.
• A IA proporciona un sistema artificial, de base computacional (non biolóxica), con capacidade para resolver problemas de forma autónoma, sen intervención humana. O sistema de IA será capaz de aprender da súa experiencia, adaptarse a novas situacións e razoar sobre o mellor xeito de resolver un problema.
• Unha tecnoloxía asistida por IA, tamén chamada Axente intelixente, é capaz de realizar tarefas tales como empregar sensores para percibir o mundo que nos rodea, analizar e organizar os datos que recibe e utilizar eses datos de forma autónoma para facer prognósticos ou tomar decisións.

A nosa representación dun axente intelixente será UX1A:

ENQUISA INICIAL SOBRE A MATERIA. Curso 2024-2025.

Responde aportando a túa sincera opinión ás seguintes preguntas:

    1) Da unha definición breve (varias liñas) do que é para ti a Intelixencia Artificial.

    2) Onde cres que podemos atopar a IA actualmente (concreta varios usos ou dispositivos que a usen)?

    3) Cales cres que poden ser os seus maiores beneficios e os seus riscos (intenta dar, a lo menos, 1 de cada)?

    4) Ata onde crees que chegan as aplicacións de IA no presente e ata onde crees que chegarán no futuro?

    5) Cres que te pode ser importante aprender sobre IA, por que (se breve, varias liñas)?

Presentación da materia: Intelixencia Artificial para a Sociedade. Curso 2024-2025.

De seguido se indican os contidos principais da materia durante este curso.

TEMPORALIZACIÓN:

• 1ª Avaliación: Introdución á IA.
• 2ª Avaliación: Primeiros pasos na IA.
• 3ª Avaliación: Profundización na IA.

CRITERIOS DE CUALIFICACIÓN:

1ª, 2ª e 3ª Avaliacións:

• Un 20% da nota obterase dos exercicios e controis teóricos.
• Un 70% da nota deberase á avaliación dos traballos obrigatorios, individuais e en grupo.
• Un 10% corresponderá á responsabilidade, dilixencia e presentación final das diversas tarefas relacionadas cos contidos tratados en clase.

Benvid@s á materia de Intelixencia Artificial para a Sociedade. Curso 2024-2025.

Benvid@s ao curso da materia de Intelixencia Artificial para a Sociedade de 4º de ESO no IES. Chano Piñeiro.

Neste blogue de aula podedes acceder aos diversos contidos teóricos e prácticos que traballaremos durante o curso, así como a exercicios e entradas de cursos anteriores.

Estes e outros contidos estarán tamén accesibles no curso da aula virtual do IES. Chano Piñeiro, no que teredes que entregar algúns dos exercicios propostos polo profesor.

De novo un saúdo a todos.

O profesor: Manuel Andújar Matalobos.